Il "Diari", quindicinale in marilenghe a cura dell'ARLEF ha dediato la prima pagina del numero del 5 Marzo scorso, al nostro concittadino Giuliano Movio, che da molti hanni risiede all''estero e che si è distinto nel campo della ristorazione.
In una lunga intervista rilasciata alla testata giornalistica (la potete trovare nei commenti a questo post), Movio ripercorre la sua storia, da quando (nei primi anni '70) ha lasciato Precenicco alla volta di Londra (per lavorare inalcuni tra i più prestigiosi ristorandi della città), fino al trasferimento a Pechino, dove attualmente è titolare di un ristorante, due paninoteche e un sandwich bar.
Iscriviti a:
Commenti sul post (Atom)
Mi spiete a 11, ma o rivi un tic plui adore e o
RispondiEliminaprofiti di dâi un cuc al menù, picjât tune
bacheche di veri. “Salmone alla griglia”,
“Trenette ai frutti di mare”, “Branzino con
asparagi e patate”, “Conchiglie con pomodori
secchi e ricotta”.
Al somee di jessi in Italie, ma o soi al numar 1
de strade Sanlitunbeixiaojie, a Pechin, e o stoi
spietant Giuliano Movio, 60 agns, furlan di
Prissinins, par fâmi contâ la sô storie di
ristoradôr tal Imperi celest. Il so ristorant, “Assaggi”,
al è un dai plui fins de capitâl cinês.
Al è elegant e lusorôs.
Si jere tai agns dal Setante, cuant
che Movio al è rivât a Londre par
studiâ i mecanisims e par robâ il
segret des tecnichis de ristorazion.
Al à lavorât in ambients innomenâts
come Savoy e Mr. Chow,
il ristorant cinês plui impuartant de
capitâl inglese.
Tal 1999 al à viazât in Cine e al à
tacât a convincisi che Pechin al
podeve ufrî ocasions impuartantis
pe cusine taliane.
Di Londre a Pechin
“Dîs agns indaûr cun Western
Restaurant, ca si smirave dome su
lis grandis cjadenis come Mc Donald’s.
Tant e tant o ai pensât che
si podeve tentâ. Ma se un cinês
nol rive nancje a insumiâsi di screâ
une ativitât se nol à i “guanxi” (tant
a dî i rapuarts di cognossince clientelâr),
figurâsi un ocidentâl che nol
cognòs nancje la lenghe. Alore mi
soi fat judâ di un zovine cinese che
o vevi cognossût a Londre e che
po e je deventade la mê socie. E
je stade jê che si è ocupade di cjatâ
il puest just par vierzi”.
Cuant che tal 2000 al à otignût il
permès di cjoli a nauli un stabiliment
dal guvier su la strade Sanlitunbeixiaojie,
Movio nol jere content.
“In chê volte, tor ator dal
ambient, no ’nd jere nissune buteghe
e mi soi un tic spaurît. Dopo
che o vin vierzût, mi soi rindût cont
che la sielte e jere imbrocade parcè
che il locâl al tirave i impleâts
des ambassadis che a son sparniçadis
in cheste zone de citât”.
I siei clients a son cinês pal 30%
e pal 70% forescj. I cinês che a
frecuentin “Assaggi”, pal plui, a
son puartevôs dal mont politic e
culturâl. “Fintremai za fa doi agns,
al vignive a cene dispès Xi
Jinping, che al è deventât cumò sot
president de Republiche popolâr.
Si faseve grandis ridadis e i ai regalât
tante sgnape, che i plaseve
un grum. Cumò, di cuant che al è
deventât il “numero due” di Hu
Jintao, al è preocupât di disturbâ
masse, stant che cuant si môf lui
a scuegnin blocâ lis stradis e sgomberâ
il ristorant par vie de sigurece.
Sì che e ven dome la femine
cu lis sôs amiis e ogni tant al passe
so cugnât par ritirâ par lui un
“take away” par gustâ in cjase”.
Considerade la composizion dai
siei clients, Giuliano Movio al à rinunciât
a proponi plats furlans.
“Il gno obietîf al è chel di ufrî
une rapresentazion internazionâl
de cusine taliane di mût che i miei
clients a puedin ricognossisi, cence
creâ une sorte di cjartuline folcloristiche.
In dut câs o vent
sgnapis e vins furlans e, par une
dadute, o ai fat cualchi esperiment
di “cusine cinese fusion”,
cuinçant i plats asiatics cun cualchidun
dai nestris vins, come tocai
e pinot grîs, che si compagnavin
in mût speciâl”.
Al vûl timp
Tai prins timps e je stade dure.
“Cuant che o jerin a Londre, jo e il
gno chef o vevin studiât il menù di
proponi, ma cuant che o sin rivâts
ca o vin scugnût tornâ a començâ
dal biel principi parcè che no si cjatave
i ingredients. Jo o dopri dome
prodots talians, ma cjar e pes si
scuen comprâju chenti. Tal nestri
menù o vevin sielzût la trie, ma prove
cjate une trie a Pechin tal 2001.
Ancjemò vuê si stente a cjatâ cualchi
ingredient, cun dut che il marcjât
al à fat un grant svilup”.
Tal in prin, la socie i telefonave a
Londre par dîi che clients no ’nd
jere, ma lui i diseve di tignî dûr, di
spietâ, che prin o dopo a saressin
La storie di Giuliano
Movio, furlan di Prissinins
che a Pechin al à vierzût
un ristorant, dôs
paninotechis e un
“sandwich bar”
rivâts. E cussì al è sucedût. Tal
2004, Movio al à fat sant Martin e
si è stabilît in mût definitîf a Pechin.
In zornade di vuê i siei ambients
di sucès a son trê: dôs “Paninoteche”
e “Panino giusto” e un
“sandwich bar” in societât cul fi
Luca.
“La Cine e à pôc ce fâ cu la Italie.
E à un cusine disconfinade, cun
passe sessante cusinis regjonâls. E
po i cinês a son un tic come i talians
che no ur plâs masse di cercjâ
plats gnûfs. Ancjemò in zornade
di vuê, intune grande part dal
paîs nol varès nissun costrut inviâ
une ristorazion ocidentâl. Par chel,
se si intint di operâ in chest setôr al
vûl prin di dut tante pazience. No
si pues rivâ sperant tun sucès imediât.
Par otignî dai risultâts si à di
spietâ une trasformazion culturâl.
Cumò, se o rivarai a cjatâ un “investor”,
mi plasarès di inviâ une
scaletarie e une produzion industriâl
di cjar purcine. In Cine, par ducj i
doi i setôrs la domande e esist, ma
a son pôcs par cumò chei che a
cirin di rispuindi”.
Giuliano Movio al à lassât il Friûl
cuarante agns indaûr. “Timp o tart
o tornarai, ma par cumò no intint di
fermâmi. Viazant o ai imparât a rispietâ
chei altris. Bontât e tristerie
si cjatilis di ogni bande, impuartant
al è imparâ a no judicâ. Cun dut
che jo o ai tant zirât, mi pâr di no
vê imparât ancjemò nuie”.
com'è andato il consiglio comunale?
RispondiElimina